حوار مع “زنُوس”

 

"فريق موسيقي ﭘانك روك تونسي مقيم في ضميرما تبقّى من وعي هذا الشعب المنكوب"، كلمات هي بعض من هوية " زنُوس " الثائرين الذين حاوطوا وجودهم بهالة معنوية وزهدوا عن الوجود المادي.

 

حليمة وحمّة وجابر، ثلاثي خلق عالمه الموسيقي الذي يشبهه وصارت الموسيقى والكلمات هوياته يتخفّى وراءها ليسلم شر البوليس والمأدلجين وحراس الأخلاق والناطقين باسم الرب.

 

"جونا" "تفوه" "ايا كيفاش" "تعلم عوم" "باكوكوش" "سيدي عربي" "تسعين بالمية" "بلاد الخير"بعض من عناوين "تراكات" المجموعة الموسيقية التي التقتها حقائق أون لاين في منزلة بين المادي والمعنوي وعروا زيفا كثيرا سياسيا وثقافيا واجتماعيا وكانت كلمات أغانيهم رصاصا وسياطا مؤلمة وقاسية في أحيان كثيرة ولكنها واقعية جدّا.

 

وعن أصل فكرة المجموعة الموسيقية وخيار التخفي والعلاقة مع الجمهوروالألبومين "زنوسلاند 1" و"زنوسلاند2" كان اللقاء مع " زنُوس"وكانت إجاباتهم من طينة فعلهم الموسيقي إذ خيروا أن تكون مزيجا من العربية الفصحى والعامية في اتساق مع توجههم الفنّي الثوري.

 

وفيما يلي نص الحوار: 

 

 

الفكرة تولدت من رؤية أفراد الفريق ورغبتهم في التعبير والتواصل.

 

 

أول غناية صدرت في جوان 2019 و كان إسمها "جونا" وهي الغناية الاولى من الالبوم القصير الأول و إسمه زنوسلاند 1.

 

 

الرفض والرغبة موجودين، لكن التعبيرة كانت باش تعوّض مكان إقامة الفريق من مكان جغرافي لمكان معنوي.

 

 

عشرة ڨديمة واهتمامات موسيقية وتوجهات فكرية مشتركة.

 

 

الاسباب القريبة للتخفي هي طبيعة رسالتنا الفنية، والسياسية والاجتماعية كونها ما تتعايشش مع الدولة الغارقة في الفساد، القضاء غير المستقل، البوليس المأدلج و المتسلط والأغلبية من الشعب غير المتسامح فكريا.. التخفي يحمينا جسديا ومعنويا ويخلينا نواصلو العمل.

 

 

 ظهورنا للجمهور هوعمليّا نهاية التجربة.

 

 

هو اختيار جرافيكي وفني عام للهوية البصرية والصوتية يعكس موقف وروح الفريق و يحط المتلقي في الاطار العام للفكرة.

 

 

هي صورة مأخوذة في الزمن الاستعماري الفرنسي لشمال افريقيا لنساء السكان الاصلّيين. للمتلقي أن يترجم النظرات والافكار ويكون عندو قراءته الخاصة للاختيارات الفنيّة. أكيد فما بحث وتفكير طويل وراء إختيار الصورة والغلاف والرموز.

 

 

الثقافة الامازيغية هي الجزء المبتور والمشوّه مالهويّة التونسية ونحنا نعملو على المصالحة مع هذا الجزء من التاريخ.

 

 

 موضوع الهويّة و الدّين  هوما كوشمار كل مواطن تونسي. عقدة قديمة متجددة وفريق زنوس انّو ضد كل أنواع التفرقة أو التمييز على الأساس العرقي أو الديني أو الجنسي.

 

فريق زنوس هو ثلاثي موسيقي تونسي الهويّة بما تحمل الكلمة من وحدة و خصوصيّة يحتفي بهذه الهويّة التونسيّة كنتاج تعاقب حضارات وحقبات عديدة تراكمت فوق الأرضية التاريخية الأولى لمنطقة شمال افريقيا (تامزغا) و تلاقحت مع سكانها الاصليين (الأمازيغ).

 

بالفلاقي الهويّة التونسية هي جيولوجيا وترسبات وتفاعل متاع عدد كبير من الثقافات والأديان و الحضارات الي ماناش باش نخلطو نسميوهم لكل…افريقيّا و مشرقيّا وعربيّا ومتوسطيّا.

 

 

هذا اختيار في سياق المصالحة زادة.. زنوس هي سبة في العامي التونسي واصطلاحا تعني أجناس أو أنواع. السبة هذي عادة ما توجه لافراد المجتمع الخارجين على العرف أو المهمشين والمختلفين. أحنا جيل الزنوس الي تربّى عالقمع لمجرد الاختلاف ومتصالحين مع الكلمة والمفهوم.

 

 الزنوس مش أحنا كمجموعة موسيقية صاخبة فقط، الزنوس هوما كل من تقاللهم زنوس على خاطر خرجو مالقطيع، كل من تسب على خاطر ما اعتنقش ترّهات المجتمع، كل من قال "لا" كي كان مراهق ياخي شبع كف و تغريب، كبر اليوم و مزال واقف في وجه الدنيا.

 

الزنوس هوما الشّوكة في حلق النّظام العام والكونفورميزم والبكتيريا الحاكمة بإسم الأبوّة وإلا بإسم العرف السّائد وإلاّ بإسم ديمقراطيّة رأس المال.

 

 

هو حالة سكر يتجاذب ما بين اليأس وحلم الواقع المغاير.

 

 

التراكات فيها نبرات مختلفة، أغلبها جدي لكن فما السخرية زادة.. القسوة والبذاءة  نتاج طبيعي للحياة والحقيقة الي مولودين منها.. الأسلوب نصيا وصوتيا صادم بطبيعة تكوينه عضويا كفكرة أو إحساس داخل الفريق أكثر من انه يكون يحمل نية الصدم، هو صادق.

 

 

الفريق غير فئوي و جاونا برشة رسائل ايجابية من ناس ماتسمعش وما تحبش الموسيقى الثقيلة أو العنيفة أو الصاخبة. أحنا نصبو ڨلوبنا في الموزيكا و نحاولو نوصلو الصوت للناس لكل.

 

 

هي نفس الصعوبات الي تواجه اي مواطن تونسي يحب يبني أو يخدم بغض النظر عن أسلوبه أو طرحه. و أي واحد يقرى في الكلام هذا يعرف على شنوة نحكيه.

 

 

الفريق عمره أكثر من عام بشوية، أحنا في طور إيجاد طرق للبقاء.. لكن ننصح الفرق بعدم الاعتراف بوصاية الدولة على الثقافة و الفن.. التركيز على الانتاجية وتوجيه الطاقة نحو الانتاج الي صار ليوم أسهل وأرخص بفضل التكنولوجيا مع الابتعاد عن العربون والخبزة الباردة والكسل الفني.

 

 

 الالبوم الاول تم اصداره على شكل تعليقة "USB" فاخترنا نبدلو الشكل المرة هذه.. الفكرة موجودة من الاول و صارت ممكنة بفضل وجود أول دار نشر موسيقى پانك تونسية مختصة في اللون هذا مالموسيقى في منطقة شمال افريقيا وحوض المتوسط " تسجيلات بانك A World Divided".

 

اللاّبال هذي مختصة كذلك في إصدار اشرطة الكاسات فقط.. هي تسجيل لموقف ونوستالجيا لوقت كانت فيها الموزيكا تتمس وتتقدّر وتضيع وتتسلف وتتكسر وتتصلح وتتلقى بالسكوتش وتحبلها قلم باش توخر الغناية.. هي أقرب شكل لجيل الزنوس الي تربى على أشرطة الكاسات.

 

 

الالبوم الاول تكتب كل تراك في وقته وفي سياقه.. الالبوم الجديد تكتب في فترة وحدة تلمينا فيها ناقشنا المواضيع والافكار ودخلنا للاستوديو.. أغلب الأفكار تتبلور في الاستوديو وقت التسجيل.. والكورونا ساعدتنا بحكم خلقت نوع من الهدوء الايجابي في حياتنا اليومية.

 

 

أحنا امتداد لمشاعر ومواقف الزنوس الي تسمع فينا.. زنوس هو مفهوم مفتوح لكل واحد يشوف روحه في الفكرة., نوعدوهم بلي وعدنا بيه رواحنا؛ انو نكونو صادقين وزنوس.